- EN considera a língua galega como o principal compoñente cultural e o factor individualizador máis nídio da Nación Galega. Por isto, a normalización lingüística do noso idioma nacional será un obxectivo prioritário, comun e transversal, que estará presente en todas e cada unha das actuación dos/das militantes da organizaicón. EN entende que o fin último do proceso normalizador é a restauración do monolingüismo social en galego. EN proporá ao BNG e ás organizacións defensoras do idioma a elaboración dun Plano Global de Normalización Lingüística que afecte a todas as áreas e níveis da vida pública do país.
- EN, en consonáncia coa máis nídia tradición galeguista e coas aportacións máis modernas e rigorosas da ciéncia lingüística, considera que o idioma galego pertence por razón natural e obxectiva ao sistema lingüístico galego-portugués. EN propugna, pois, a reintegración do idioma no sistema que lle é próprio entendendo que esta debe realizar-se gradual e paulatinamente, adaptando-se ás circunstáncias socioculturais, históricas e políticas que vive a nosa nación. Neste sentido, e como primeiro paso necesário para dita reintegración, cumpre chegarmos en breve prazo a unha normativa lingüística de consenso, un pacto de "mínimos" de reintegración, que permita avanzar con paso decidido cara a definitiva normalización do idioma na sociedade, en todos os usos e en todos os níveis.
- A normalización do galego, entende EN debe ir acompañada dunha normativización de amplo consenso científico-lingüístico e social. É preciso, neste proceso, pór barreiras á castelanización léxica e morfolóxica que entolda o galego, privando-o dunha evolución natural a partir da sua própria raíz e submentendo-o a un "corsé" dialectalizante e españolizador que pon en perigo a sua mesma estrutura lingüística e a sua universalización.
|
